Merenda e concerto de Cé Orquestra Pantasma

No dia 11 de junho organizamos no Campo da Festa de Santa Comba em Lugo, umha merenda com chocolatada e bolos caseiros, jogos circenses para crianças e concerto do Cé Orquestra Pantasma que apresenta o seu disco Fios do querer. A jornada começará às 17h00, e no seu transcurso faremos umha nova apresentaçom pública do projeto.

Estrada Lugo- Sarria a 2,5 km desde a rotunda de Nadela. Indicativo à direita que di: Mazo de Santa Comba. ao lado da Parrillada Santa Comba.

cartaz ce orquestra Santa Comba

já temos local!

O projeto Semente cada dia concretiza-se mais. Já temos local, e começamos a trabalhar nele. Fica no lugar de Barbaim, a apenas dez minutos do centro. É umha antiga escola unitária cedida polo Concelho. Já tem telhado novo e está pintada por fora, mas o interior ainda precisa de muita obra. Colabora connosco associando-te ou vindo dar umha mao nas obras!

Aqui podedes ver o antes e o depois de pintar!

IMG-20160507-WA0001IMG-20160521-WA0001Se queres ajudar nas obras, envia um correio para sementelugo@gmail.com

Teatro infantil para apoiar a Semente Lugo

Há menos de um mês adiantávamos que estávamos preparando a seguinte actividade de Semente Lugo, desta vez dirigida a crianças dos 3 aos 10 anos. Pois ficamos felizes de vo-la apresentar. Será umha obra de teatro infantil chamada Lobo Bobo da companhia de teatro Elefante Elegante dia 30 de abril às 17hrs na Sede da Afundación de Lugo.

Podedes comprar as entradas a partir de segunda-feira dia 18 nos seguintes pontos de venda: Livraria Gato Neghro na rua de Sam Roque, em Bico de Grao na rua das Fontinhas ou no CS Mádia Leva, na rua serra de Ancares. E se ainda nom vos coincidir bem nengum desses sítios podedes contactar-nos por mail para vos entregar a vossa entrada.

Umha boa oportunidade para oferecer às nossas crianças um espectáculo de qualidade e em galego a preços populares!

Aforo limitado!

lobobobo