Bem-vinda ao Apalpador em Lugo 22 de dezembro a partir das 17h na praça Maior

A Semente Lugo junto com a Mesa pola normalización Linguística, CS Mádia Leva, A Volta do Agro, Cántigas e Frores, O Xeito, Troupelear, Tradescola, Lucecús Teatro, apresentam neste mês de dezembro, com a colaboraçom do Concelharia de Cultura de Lugo, a Deputaçom de Lugo, as Librarias Trama e Biblios e a Biblioteca Pública Municipal de Lugo, um projeto de animaçom e socializaçom da figura infantil do Apalpador, para fomentar a participaçom da cidadania na visibilizaçom do gigante do Courel.
Este projeto tem como objetivo dinamizar as semanas prévias à Bem-vinda do Apalpador com diferentes intervençons dirigidas a convocar a participaçom das famílias na Bem-vinda do Apalpador, na tarde de 22 de dezembro na Praça Maior a partir das 17h.

Estas intervençons som espaços dedicados ao Apalpador nas Librarias Trama e Biblos assi como na Biblioteca Pública Municipal de Lugo com recursos didácticos e produçom cultural editada acerca do Gigante Carvoeiro, durante todo o mês de dezembro.

Haverá muitas surpresas anunciando a saída do Apalpador do Courel e receberemo-lo à sua chegada a Lugo com obradoiros de música e dança tradicional.

O 22, a Bem-vinda ao Apalpador

A Bem-vinda do Apalpador supóm um intento de introduzir no ámbito urbano umha celebraçom própria da nossa cultura e oferecer assi umha alternativa a outras tradiçons de origem foránea que vam substituindo progressivamente os costumes galegos. Ao mesmo tempo, esta atividade supom umha oportunidade para as famílias da cidade se conhecerem, gozarem juntas e estabelecerem laços entre elas, e reforçar deste jeito o tecido social da comunidade.

Magusto na Semente Lugo

Como adoramos colaborar com coletivos do tecido sócio-cultural de Lugo, desta vez temos para próximo sábado dia 24 de novembro  apartir das 17h e coorganizado com o CS Mádia leva um Magusto popular ao que ficades todas convidadas.

Teremos danças e música com as crianças da Semente das 17h às 18h e muitas castanhas e chouriços assados, e foliada. vem e trae o teu instrumento! o resto já o pomos nós.

Obradoiro de jogos bailados para famílias

Na semente Lugo sabemos que é nos primeiros anos de vida quando se começa a formar a personalidade do indivíduo, e a música desempenha um papel fundamental nesse processo e ajuda na adquisiçom de umha maior autoestima linguística na criança. Por isso cantigas, danças e jogos tradicionais galegos som  ferramentas que nós usamos diariamente para favorecer a imersom linguística.

As crianças melhoram a sua competência linguística através de jogos dançados assi como das suas cantigas de acompanhamento de um modo divertido.

Gostamos de mostrar o nosso trabalho e abri-lo a mais famílias e por isso figemos o Onradoiro de jogos bailados que som jogos em movimento e jogos para dançar e mover-se ao compás. Alguns jogos para mover o corpo todo, trabalhando a  motricidade e convidando à participaçom de várias crianças juntas.

Este foi o resultado

 

A Semente Lugo no Sam Froilám Associativo

Semente Lugo, estará no próximo sábado 6 de outubro na celebraçom do Sam Froilám associativo, queremos festejar o S. Froilám como sempre se fijo e por isso contra toda modernidade, gostamos de celebrar esta festa, jantando, bebendo, bailando, ouvindo música em qualquer praça, passeando pola cidade, encontrando em cada canto e em cada rua algo para ver ou fazer, um amigo o umha amiga que hai tempo que nom vemos…

Mais umha vez saimos à rua,  para pôr um grao de areia para que esta festa siga viva, porque pensamos que as festas temos que as fazer nós, as vizinhas e vizinhos de Lugo, pois queremos ser persoas actoras desta festa e nom só consumidoras delas.
Estaremos na Praça de Santo Domingo, diante do convento, todo o dia das 10h até às 21h. E ali mostraremos o nosso trabalho, o que fazemos todo o ano, e teremos muitas atividades, eis o programa:

  • Abertura com as bancas de material dos diferentes coletivos às 10h00
  • Obradoiros para crianças das 11h00 às 13h00
  • Café-Coloquio com o Banco de Tempo às 12h00
  • Cantares de cego com Francisco de Taboada às 13h00
  • A auto-apresentaçom dos Coletivos das 13h30 às 14h30
  • Jantar vegano 14h30
  • Obradoiro de baile tradicional às 17h00
  • Passeio de bicicleta de Massa Crítica às 17h30
  • Apresentaçom  musicada do Poemário Independência às 17h45
  • Obradoiro Translurpies de deconstruçom de género às 18h30
  • A auto-apresentaçom dos Coletivos das 19h00 às 19h30
  • Humor com Marca España às 19h30
  • Concerto com o grupo de rock galego ITH às 20h00

Estar nesta praça tem um significado de memória porque este foi umha das localizaçons do Sam Froilám nos anos 60.

Damos a bem-vinda a toda a gente!

Atividades extraescolares na Semente lugo

Lembrade que para a semana que vem temos portas abertas das atividades extraescolares. Vinde provar e se gostades ainda tendes até 28 de setembro para inscrever-vos.
Portas abertas:
Segunda-feira (luns) 24 de setembro às 17h troupelear. Música em família de 0 a 3 e de 4 a 8 anos.
Quarta-feira (mércores) 26 de setembro às 17h Teatro criativo crianças de 5 a 10 anos
Quinta-feira (xoves) 27 de setembro às 17h Música e movimento crianças de 4 a 8 anos.