o projeto

O projeto da Semente Lugo forma parte da rede das Escolas de Ensino Galego Semente, umha iniciativa social sem ánimo de lucro, da qual também formam parte as Sementes de Compostela, Vigo, Trasancos e Corunha.

Tomam o seu nome das Escolas de Ensino Galego criadas a começos do século XX polas Irmandades da Fala, e impulsionadas por Leandro Carré e Ángelo Casal.

Nas Escolas de Ensino Galego, todas as atividades som desenvolvidas em galego favorecendo a aquisiçom, conservaçom, cuidado e consolidaçom desta. Entendemos o idioma galego como parte indissolúvel da nossa cultura, da nossa história e do nosso futuro, e defendemos o seu caráter internacional; criando um espaço de interculturalidade fomentará-se a importáncia do respeito a outras culturas que vivem no nosso país.

As Escolas de Ensino Galego som um espaço com umha pedagogia transformadora, ativa e inserida no meio natural, social e cultural próprio do ámbito rural lucense. Os fins reitores deste projeto educativo som os seguintes:

  • Coeducaçom
  • Laicidade
  • Assemblearismo
  • Interaçom com a Natureza
  • Respeito pola autoregulaçom da criança
  • Integraçom no contexto do lugar.

Princípios pedagógicos das Escolas de Ensino Galego

Nas Escolas de Ensino Galego, todas as atividades som desenvolvidas em galego, favorecendo a aquisiçom, conservaçom, cuidado e consolidaçom do nosso idioma. Entendemos a língua galega e o seu caráter internacional como parte indissolúvel da nossa cultura, da nossa história e do nosso futuro.

As Escolas de Ensino Galego som um espaço  de pedagogia transformadora que entende a escola como parte integrante da sociedade; pretende servir aos interesses populares garantindo um  processo de ensino-aprendizagem democrático e fazendo possível que as crianças sejam cidadás livres e críticas.

As Escolas de Ensino Galego som um espaço de criatividade e inovaçom onde, adn na sementeatravés do pensamento criativo ou lateral, som proporcionadas as ferramentas necessárias para o desenvolvimento das capacidades artísticas e a imaginaçom das crianças. Com o pensamento criativo as crianças observam as  situaçons e os problemas de todos os ângulos possíveis podendo gerar, com criatividade e inovaçom, mais de umha resposta para resolverem diferentes questons.

As Escolas de Ensino Galego som um espaço laico. A educaçom laica representa a liberdade de consciência e do direito humano, da tolerância e da democracia. Umha escola livre de qualquer imposiçom, propaganda ou doutrinamento religioso.

As Escolas de Ensino Galego som um espaço de coeducaçom. Um espaço de Igualdade de Xéneroeducaçom integral para as crianças com umha educaçom baseada na igualdade de género em todos os aspetos da vida. Um espaço nom patriarcal e sem machismo que favorece o caminho das nossas crianças para o empoderamento, quer dizer, para assumirem o controlo da suas próprias vidas.

As Escolas de Ensino Galego regem-se por assembleia, um modelo de decisom em que participam, dumha forma horizontal pais, mais, professoras e crianças. A educadora ou educador e as famílias mantenhem umha relaçom direta e de confiança no que respeita à educaçom conjunta das meninhas e meninhos.

As Escolas de Ensino Galego spsicomotricidadeom um espaço para umha educaçom inserida na natureza, em que as crianças percebem os valores ambientais da nossa terra mediante a interaçom com o ambiente, através das saídas, roteiros, uso da horta, etc. Mas também no próprio espaço da escola, favorecendo o uso de  materiais reciclados ou o consumo responsável.

As Escolas de Ensino Galego defendem a liberdade responsável, o respeito e a autoregulaçom; a educadora ou educador confia plenamente na criança; respeita-a como pessoa, respeita também as suas emoçons, tentando proporcionar as ferramentas para elas solucionarem os seus conflitos por si mesmas. Tenta-se favorecer a plena consciência por parte da criança da sua liberdade, mas também da existência de uns limites básicos de respeito a outras pessoas e ao seu contexto.

As Escolas de Ensino Galego som um espaço educativo interativo onde a pessoa educadora é umha mediadora que acompanha a criança no seu processo de aprendizagem; a relaçom pedagógica consiste no provimento das condiçons em que educadora e criança podam colaborar para fazerem progredir essas trocas que favorecem o desenvolvimento integral dos pequenos e pequenas e a aprendizagem mútua.

Nas Escolas de Ensino Galego a relaçom entre professorado e estudantes convive num mesmo plano de entendimento e respeito mútuo. É mediante o amor, a compreensom e a empatia, que pais, mais e professorado melhor podem levar estes princípios à criança.patacas

As Escolas de Ensino Galego som um espaço de interculturalidade onde as crianças compreendem a importância e o respeito de outras culturas que vivem no nosso país e  que permitem interagir, crescer e trabalhar conjuntamente.

As Escolas de Ensino Galego som espaços abertos à comunidade, que se preocupa com a realidade do lugar e da vizinhança de Barbaim, tratando-se portanto dumha educaçom ligada à realidade do meio rural lucense.