formas de colaboraçom

Fai-te Sócia:

O centro educativo da Semente Lugo é um projecto de carácter comunitário, isto é:

1º É um projecto nom lucrativo, por isso precisamos do contributo das sócias através dumha quota mensal que garanta a estabilidade do projecto.

2º É um projecto democrático, aberto a participaçom de todas as sócias através das assembleias, grupos de trabalho, etc.

3º Nom é preciso ser usuário do serviço, pois entendemos que a criaçom dumha escola de imersom linguística em galego e com um modelo de educaçom transfor madora é umha necessidade social para a comunidade galego-falante.

Contributos Pontuais:

O centro educativo da semente Lugo nom é umha escola nem elitista nem privada, tem vocaçom de serviço público, achamos que nengumha criança pode ficar fora da nossa escola por motivos económicos, é por isto que na Semente Lugo existe a possibilidade de solicitar umha bolsa de estudos. Os contributos pontuais som um modo mais para consolidar o carácter de serviço público que deve assumir a Semente.

Colaboraçons Particulares:

O centro educativo da Semente é um projecto autogestionado, tecer umha ampla rede social entorno ao projecto educativo da semente é fulcral para atingir os objectivos que procuramos, é por isto que:

Todo contributo é necessário: Educadoras, activistas sociais, electricistas, músicos, arquitectas, albaneis, agrónomas…

Todo contributo é importante: Organizar umha actividade, elaborar material didáctico, levantar um muro, distribuir cartazes…

Colaboraçons de entidades sociais e profissionais

O centro educativo da Semente Lugo nasce estreitamente vinculado a entidades colectivas, centros sociais, associaçons de maes, associaçons de vizinhas, associaçons em defesa da língua…, estes vínculos reforçam o carácter comunitário do projecto através de financiamento mas também de espaços para o encontro e o debate. Precisamos ampliar estes vínculos com entidades sociais e profissionais, como cooperativas de consumo, bancos de tempo, meios de comunicaçom, editoriais, livrarias, etc.