Portas Abertas na Semente Lugo 15 de fevereiro às 11h

Em destaque

Queridas famílias de Lugo e arredores no dia 15 de fevereiro a Semente Lugo abre as suas portas para que poidades conhecer o projeto educativo desenvolvido para crianças dos 2 aos 6 anos. Olhade que programa interessante para vir passar a manha com a grande família Semente Lugo. Sábado 15 de fevereiro às 11h Portas Abertas. É imprescindível inscriçom prévia até 13 de fevereiro!

Nova sessom das Sementinhas 20 de janeiro das 17h às 19h

Começamos novo ano e seguimos com as Sementinhas, um espaço de encontro, jogo e aprendizagem 100% em galego para famílias com crianças de 0 a 3 anos e totalmente gratuíto.

20 de janeiro teremos a seguinte sessom, desta vez dedicada à Experimentaçom com sons.

Para assistir tens que enviar antes um mail a sementelugo@gmail.com indicando o teu nome e da criança assi como a idade dela.

21 de dezembro a Semente Lugo dá a bem-vinda ao Apalpador na praça Maior a partir das 16h30

A Semente Lugo junto com a Mesa pola normalización Linguística, CS Mádia Leva, A Volta do Agro, Cántigas e Frores, O Xeito, Troupelear, Asoc. socio-educativa Antonio Gandoy, Tradescola, apresentam neste mês de dezembro, com a colaboraçom da Concelharia de Cultura de Lugo, a Deputaçom de Lugo, as Librarias Trama e Biblios e a Biblioteca Pública Municipal de Lugo, um projeto de animaçom e socializaçom da figura infantil do Apalpador, para fomentar a participaçom da cidadania na visibilizaçom do gigante do Courel.
 
Este projeto tem como objetivo dinamizar as semanas prévias à Bem-vinda do Apalpador com diferentes intervençons dirigidas a convocar a participaçom das famílias na Bem-vinda do Apalpador, na tarde de 21 de dezembro na Praça Maior a partir das 16h30.
 
Estas intervençons som espaços dedicados ao Apalpador nas Librarias Trama e Biblos assi como na Biblioteca Pública Municipal de Lugo com recursos didácticos e produçom cultural editada acerca do Gigante Carvoeiro, durante todo o mês de dezembro.
Nesta ediçom os comércios do centro histórico tamém participarám na promoçom da figura do Apalpador de umha forma muito ativa.
 
Haverá muitas surpresas anunciando a saída do Apalpador do Courel e receberemo-lo à sua chegada a Lugo com obradoiros de música e dança tradicional.

Começam as Sementinhas 18 de novembro às 17h

Começam as Sementinhas, no dia 18 de novembro com o obradoiro: Pegadas de mans fam lindos animais.
As Sementinhas deste curso serám todas as segundas-feiras (luns) das 17h às 19h exceto a da primeira semana do mês e nos dias nom lectivos.
Em cada sessom faremos um obradoiro diferente para crianças dos 0 aos 2/3 anos.
As Sementinhas é um espaço em galego para famílias com bebés dos 0 aos 2 anos totalmente gratuito.
Inscreve-te em sementelugo@gmail.com

Magusto Micológico 16 de novembro

Magusto micológico da Semente Lugo. A saída micológica será em família mas dirigida às crianças para aprenderem a reconhecer certas características nos cogumelos e saber identificar os tóxicos dos comestíveis assi como as adultas aprendermos a ver qualquer sintomatologia dos tóxicos e saber atuar.
Se chover é preciso levar roupa e calçado adequado para a chuva e umha muda pois comeremos na Semente onde nos poderemos lavar e mudar caso seja necessário.
Para a comida comunitária cada quem levará algo feito e de tarde faremos o magusto e merenda para todas as que queirades vir.
Inscriçons em sementelugo@gmail.com até 15 de novembro.

Atividades de tarde curso 2019/20. Em galego e em família.

As nossas atividades de tarde para todo o curso 2019/20. Próxima semana Portas Abertas para virdes provar cada umha das atividades. Imprescindível inscriçom através do mail: sementelugo@gmail.com. E para dar tempo às crianças de se adaptarem relaxadamente ao ritmo da escola começamos as aulas em outubro. Se queres desfrutar do desconto de sócias ainda tes tempo de associar-te antes à Semente Lugo. Entrando na nossa web sementelugo.gal