Acampamento de verao de 24 de junho a 2 de agosto

Em destaque

Aberto o prazo de inscriçom para o acampamento de verao. Lembrade que há vagas limitadas e que é preciso reservar até umha semana antes.

ACAMPAMENTO DE VERAO será desde o dia 24 de junho a 2 de agosto incluidos, e poderám inscrever-se dias soltos, semanas completas ou ao acampamento inteiro.  
Para todas aquelas famílias que queirades que os vossos filhos e filhas de 3 a 10 anos desfrutem do verao na nossa companhia.  Faremos um  reconhecimento do meio de umha perpetiva ativa e construtivista, passeios polo entorno, atividades de experimentaçom com elementos naturais, cuidados da horta, jogos cooperativos, jogos de água, música e muito mais…
O horário será de 8h30 a 15h30, com a possibilidade de flexibilizar a entrada e a saída. 

III JORNADAS DE FORMAÇOM DA SEMENTE LUGO: EDUCAÇOM GALEGA E FEMINISTA 

Em destaque

Eis as III JORNADAS DE FORMAÇOM DA SEMENTE LUGO: EDUCAÇOM GALEGA E FEMINISTA com a colaboraçom da AGAL, CIG comarcal de Lugo, a Mesa pola Normalización Linguistica, Fundación Galiza Sempre e a Plataforma Feminista de Lugo.

Data: Sábado, 4 de maio de 2019
Lugar: Sala de atos. Residência Juvenil Lug II, Rua Pintor Corredoira nº 15, Lugo.
Inscreve-te aquihttps://docs.google.com/…/1FAIpQLSfGruV0sP9AXbT6M…/viewform…

23 de março data a nom esquecer!

Atividades de março na Semente Lugo!
23 de março! Reservade a data para passar o dia em Lugo!
11h a 13h: Obradoiro de Cantos para acolar com Ugia Pedreira na escola Tradi Oxeito na rua s. eufrasio nº 94.
Às 13h: Apresentaçom do disco A Comuna del Barruzo com Ugia Pedreira e Pierrot Rougier
Às 17h: Portas Abertas para conhecer o projeto educativo da Semente Lugo. Vem  conhecer-nos, merendar e brincar a Barbaim, na parroquia de Santa Maria de Bóveda! Haverá surpresas para quem vier!

Estamos a só 5 min da estaçom do trem de Lugo!

Acampamento entruido 4 e 6 de março

Em destaque

Inscriçons só até quinta-feira (xoves) às 15h!
Conheceremos, investigaremos e experimentaremos o entruido tradicional galego. Faremos farrapada, lama, farinha, máscaras, carreiras, morena, brincadeiras, filhoas… e muito mais dentro e fora da Semente entre as crianças e com os vizinhos.
Se precisas de conciliar, o lugar para a tua criança durante o entruido é o acampamento da Semente Lugo 4 e 6 de março
Inscreve-te já!

Palestra- colóquio: Que acontece com a mulher e a língua! 15 de fevereiro às 20h no CS Madia Leva

Com esta palestra-colóquio as mulheres da Semente, da Plataforma Feminista de Lugo e do CS Mádia Leva, queremos analisar (entender e reconhecer) a violência que recebemos as mulheres por sermos feministas, galeguistas e ativistas da língua.

Queres vir acompanhar-nos para contar a tua história? Buscamos juntas estratégias para combater essa violência?

Inscriçom obrigatória em: sementelugo@gmail.com

Obradoiro de alimentaçom saudável. O Ultraalimento dirigido por Lucas Requejo. 2 de fevereiro

Últimos dias para inscrever-vos! depressa!

Obradoiro de alimentaçom saudável para famílias com crianças. Dirigido por Lucas Requejo.
Vem descobrir o poder do Superalimento à Semente Lugo no dia 2 de fevereiro das 11h30 ás 13h!
Aprender a cozinhar alimentos saúdáveis com as nossas crianças de um forma divertida e consciente!

O obradoiro é dirigido tanto a crianças como a famílias com crianças.

Obradoiro de Regueifa feminista com Alba Maria

A Semente Lugo, a Plataforma Feminista de Lugo e o CS Madia leva, organizamos  um Obradoiro de Regueifa Feminista para 26 de janeiro das 11h às 14h no local do CS Madia Leva.

LEMBRADE QUE É PRECISO INSCREVER-SE enviando um mail a: sementelugo@gmail.com

Obradoiro para pessoas adultas que queiram aprender a regueifar como recurso educativo para as aulas de primário e secundário mas também para qualquer pessoa que queira aprender a regueifar como ferramenta de protesto oral, público improvisado e coletivo. Alba Maria para além de nos ensinar algumha estrutura básica do rimo e melodia para regueifar a temática de toda a regueifa que se produza no obradoiro será feminista. As mulheres de Lugo vamos junto com Alba Maria fazer-nos ouvir!

 

Bem-vinda ao Apalpador em Lugo 22 de dezembro a partir das 17h na praça Maior

A Semente Lugo junto com a Mesa pola normalización Linguística, CS Mádia Leva, A Volta do Agro, Cántigas e Frores, O Xeito, Troupelear, Tradescola, Lucecús Teatro, apresentam neste mês de dezembro, com a colaboraçom do Concelharia de Cultura de Lugo, a Deputaçom de Lugo, as Librarias Trama e Biblios e a Biblioteca Pública Municipal de Lugo, um projeto de animaçom e socializaçom da figura infantil do Apalpador, para fomentar a participaçom da cidadania na visibilizaçom do gigante do Courel.
Este projeto tem como objetivo dinamizar as semanas prévias à Bem-vinda do Apalpador com diferentes intervençons dirigidas a convocar a participaçom das famílias na Bem-vinda do Apalpador, na tarde de 22 de dezembro na Praça Maior a partir das 17h.

Estas intervençons som espaços dedicados ao Apalpador nas Librarias Trama e Biblos assi como na Biblioteca Pública Municipal de Lugo com recursos didácticos e produçom cultural editada acerca do Gigante Carvoeiro, durante todo o mês de dezembro.

Haverá muitas surpresas anunciando a saída do Apalpador do Courel e receberemo-lo à sua chegada a Lugo com obradoiros de música e dança tradicional.

O 22, a Bem-vinda ao Apalpador

A Bem-vinda do Apalpador supóm um intento de introduzir no ámbito urbano umha celebraçom própria da nossa cultura e oferecer assi umha alternativa a outras tradiçons de origem foránea que vam substituindo progressivamente os costumes galegos. Ao mesmo tempo, esta atividade supom umha oportunidade para as famílias da cidade se conhecerem, gozarem juntas e estabelecerem laços entre elas, e reforçar deste jeito o tecido social da comunidade.