Curso de verao Semente- USC em Lugo 22, 29 e 30 de junho

Curso de verao que organiza a Semente com a USC no Campus de Lugo na Faculdade de Formaçom do professorado e na Semente Lugo nos dias 22, 29 e 30 de junho.
A matricula é feita a partir da web da USC que aparece no cartaz e já está aberto o prazo. Está dirigido a profissionais da educaçom e a pais e maes.
O preço do curso é de 70 eur e hai umha taxa reduzida, aplicável a estudantes universitários, de bacharelato ou de formaçom profissional, pensionistas, desempregados, sócios da Asociación de Antigos alumnos da USC e PDI e PAS da USC de 40 eur.
O curso de verán leva o título de: CONTAR, CANTAR, BAILAR E AS OUTRAS 100 LINGUAXES NA CRIANZA (OU UN FEIXE DE RECURSOS PARA FAMILIAS E EDUCADORAS)

Datas: 22, 29 e 30 de junho (dias 22 e 29 na faculdade de formaçom de professorado de Lugo- USC e dia 30 na Semente Lugo)
Nº de horas lectivas: 15

Este curso pretende achegar recursos singelos para famílias e educadoras baseadas na multiplicidade de linguagens e meios de expressom das crianças e potenciar o trabalho na aula da dança tradicional, da narraçom oral e das regueifas, da música tradicional e da expressom artística em geral como recursos motores para desenvolver umha aprendizagem significativa.

Apressade-vos pois para nom ficardes sem vaga!

Obradoiro de Brinquedos Sonoros com Xaneco Tubio 14 de abril das 11h às 14h, em família para crianças dos 2 aos 8 anos!

Obradoiro de Brinquedos Sonoros con Xaneco Tubio 14 de abril das 11h às 14h, em família para crianças a partir dos 2  com a ajuda da adulta que o acompanhe e até aos 8 anos!

Recollhidos da tradiçom popular galega, que até hai bem pouco forom transmitidos dumha geraçom para a outra, normalmente eram os avós, os que ensinavam aos netos a os fazer.
A finalidade deste obradoiro, é que as crianças
galegas de hoje em dia, fagam tamém estes brinquedos, que
aproveitam elementos que nos dá a própria natureza para
a sua elaboraçom.

Inscriçons em: sementelugo@gmail.com

II Jornadas de Formaçom Semente Lugo!

Contentes de vos apresentar já as II Jornadas de Formaçom da Semente Lugo dirigidas a professorado de ensino infantil e primário, estudantado de Ciencias da Educaçom, famílias e pessoas interessadas na imersom linguística como desafio da educaçom galega para o século XXI.

Jornadas organizadas pola Semente Lugo com a colaboraçom da Universidade de Santiago de Compostela (USC), o grupo de Investigación Pedagoxía Social, Educación Ambiental (SEPA), Fondo Europeo de Desenvolvemento Rexional, a Mesa pola Normalización Linguística, Rede de Investigación en Educación e Formación para a Cidadanía e a Sociedade do Coñecemento, Sindicato de traballadoras e traballadores do Ensino de Galiza (STEG), Associaçom Galega da Língua (AGAL) e o CS Mádia Leva.

É obrigatória a prévia inscriçom e totalmente gratuita! Prazo de inscriçom até 2 de abril!

Inscreve-te carregando: aqui

Portas Abertas 17 de março a partir das 17h

Se estades pensando num projeto educativo para as vossas filhas e filhos com umha pedagogia transformadora, activa, respeituosa e inserida no meio natural, social e cultural próprio, vinde às portas abertas da Semente Lugo, 17 de março!

Aberto a todas as famílias interessadas em matricular as crianças de 2 a 6 anos para o curso 2018/19. Já temos a matrícula aberta para o próximo curso!
Agradecemos que confirmedes assistência no mail: sementelugo@gmail.com

Teatro criativo para crianças de 5 a 10 anos na Semente Lugo de fevereiro a junho.

Se andas a pensar numha atividade para o teu filho ou filha em que poida dar asas à sua imaginaçom e improvisaçom e melhore a sua expressom linguística em galego, este curso de teatro criativo está feito à sua medida.

Inscriçom até 26 de janeiro e aula grátis 31 de janeiro.
Duraçom de fevereiro a junho umha hora por semana.
Dirige o curso Isa Herrero de Lucecus teatro.

Retomamos o grupo de famílias com sementinhas de 0 a 2 anos!

Cada dia somos mais famílias que participamos nas Sementinhas!
As Sementinhas é um espaço de encontro em galego para crianças de 0 a 2 anos. Todas as segundas-feiras (luns) entre as 18:00h e as 19h30 na Semente Lugo as meninhas e meninhos podem brincar e participar de atividades que favorecem o seu desenvolvimento num ambiente de respeito, fomento e amor pola nossa língua e cultura.

Actividade gratuita!!!

Próxima sessom 22 de janeiro das 18h às 19h30!

Para qualquer dúvida podedes chamar ao 615174121 ou escrever um correio a sementelugo@gmail.com