o centro

A Semente Lugo está no edifício do antiga escola unitária de Barbaim. Gostamos de partilhar o espaço e a essência do que fôrom os CRA.

Barbaim é um lugar de Santa Maria de Bóveda, no sudeste do concelho de Lugo, ao que se chega em menos de 10 minutos desde o centro da cidade. Assim podemos gozar dumha escolinha rural. 

Um dos nossos princípios é a interaçom com a natureza, daí o valor que tem o recinto exterior para que as nossas crianças podam estar todos os dias ao ar livre, sem importar-nos a climatologia.

Contamos com umha horta que elas mesmas trabalham.

E as excursons polos carreiros da aldeia som umha atividade comum.

Consideramos que os espaços som umha ferramenta mais para educar. Apostamos num modelo de decisom em que participamos dumha forma horizontal da vida na aula, e é por isso que damos importância ao espaço de assembleia, ou estruturamos a aula sem que ninguém tenha um lugar específico, nem a educadora.

O local é um espaço flexível que vai mudando segundo as necessidades que podam ter a crianças de maneira individual ou o grupo, ajudando assim na procura dumha Semente inclusiva.
Por suposto, o local conta com luz natural, fomentando o benestar do grupo.

27140 Santa Maria de Bóveda, Lugo