Arquivo da Categoria: multimédia

O maio das crianças da Semente Lugo

Citação

Publicado a por

As crianças da Semente e Iria querem festejar a entrada no mês de Maio com o seu maio da Semente Lugo. Coplas compostas polas crianças com as suas famílias que reflectem as saudades que tenhem da escolinha e de voltar a estarem juntas!
Maio 2020 da Semente Lugo:

As crianças da Semente
estam todas na casinha
porque som mui responsáveis
e cuidam das avoinhas!

Já podem dar um passeio
pero todas tranquilinhas
temos que aguardar um pouco
para brincarmos juntinhas!

Quando todo isto acabe
voltaremos a Semente
vou-vos dar beijos e apertas
e fazemos umha festa!

Nom hai campos sem seituras
nem Semente sem a gente
que faga da língua um Maio
fiando palavras silvestres.

Se o vírus tem coroa
eu tenho umha guilhotina
agochada entre as folhinhas
deste Maio da escolinha.

Aprendemos muitas cousas
A escolinha é genial
Com a nossa profe Iria
Podemos experimentar

Vem o curso da Semente
Para aprendermos sempre
Estamos-vos aguardando
Pois queremos ver mais gente

Esta vai por despedida,
esta vai por derradeira,
agora nom canto mais(e)
que tenho a máscara tesa

Aprender descobrindo e experimentando, centrando-nos nos próprios interesses das crianças de 2 a 6 anos.

Em destaque

Publicado a por

As pessoas que acompanhamos crianças como amigos, docentes, pais ou maes, temos a grande responsabilidade de fazê-lo orientando e nom limitando, ajudando e nom apenas proibindo, e também valorizando o erro como meio de aprendizagem num longo caminhar para a autonomia e a conquista da liberdade. Este é o nosso modo de trabalhar na Semente.
Ampliamos o prazo de pré-matricula para o curso 2020-21 na Semente Lugo até 15 de maio. Se tiveres interesse em conhecer mais o nosso projeto educativo só tens que enviar um mail a sementelugo@gmail.com e responderemos às tuas dúvidas.

21 de dezembro a Semente Lugo dá a bem-vinda ao Apalpador na praça Maior a partir das 16h30

Publicado a por
A Semente Lugo junto com a Mesa pola normalización Linguística, CS Mádia Leva, A Volta do Agro, Cántigas e Frores, O Xeito, Troupelear, Asoc. socio-educativa Antonio Gandoy, Tradescola, apresentam neste mês de dezembro, com a colaboraçom da Concelharia de Cultura de Lugo, a Deputaçom de Lugo, as Librarias Trama e Biblios e a Biblioteca Pública Municipal de Lugo, um projeto de animaçom e socializaçom da figura infantil do Apalpador, para fomentar a participaçom da cidadania na visibilizaçom do gigante do Courel.
 
Este projeto tem como objetivo dinamizar as semanas prévias à Bem-vinda do Apalpador com diferentes intervençons dirigidas a convocar a participaçom das famílias na Bem-vinda do Apalpador, na tarde de 21 de dezembro na Praça Maior a partir das 16h30.
 
Estas intervençons som espaços dedicados ao Apalpador nas Librarias Trama e Biblos assi como na Biblioteca Pública Municipal de Lugo com recursos didácticos e produçom cultural editada acerca do Gigante Carvoeiro, durante todo o mês de dezembro.
Nesta ediçom os comércios do centro histórico tamém participarám na promoçom da figura do Apalpador de umha forma muito ativa.
 
Haverá muitas surpresas anunciando a saída do Apalpador do Courel e receberemo-lo à sua chegada a Lugo com obradoiros de música e dança tradicional.

III JORNADAS DE FORMAÇOM DA SEMENTE LUGO: EDUCAÇOM GALEGA E FEMINISTA 

Publicado a por

Eis as III JORNADAS DE FORMAÇOM DA SEMENTE LUGO: EDUCAÇOM GALEGA E FEMINISTA com a colaboraçom da AGAL, CIG comarcal de Lugo, a Mesa pola Normalización Linguistica, Fundación Galiza Sempre e a Plataforma Feminista de Lugo.

Data: Sábado, 4 de maio de 2019
Lugar: Sala de atos. Residência Juvenil Lug II, Rua Pintor Corredoira nº 15, Lugo.
Inscreve-te aqui: https://docs.google.com/…/1FAIpQLSfGruV0sP9AXbT6M…/viewform…

23 de março data a nom esquecer!

Publicado a por

Atividades de março na Semente Lugo!
23 de março! Reservade a data para passar o dia em Lugo!
11h a 13h: Obradoiro de Cantos para acolar com Ugia Pedreira na escola Tradi Oxeito na rua s. eufrasio nº 94.
Às 13h: Apresentaçom do disco A Comuna del Barruzo com Ugia Pedreira e Pierrot Rougier
Às 17h: Portas Abertas para conhecer o projeto educativo da Semente Lugo. Vem  conhecer-nos, merendar e brincar a Barbaim, na parroquia de Santa Maria de Bóveda! Haverá surpresas para quem vier!

Estamos a só 5 min da estaçom do trem de Lugo!

Obradoiro de Regueifa feminista com Alba Maria

Publicado a por

A Semente Lugo, a Plataforma Feminista de Lugo e o CS Madia leva, organizamos  um Obradoiro de Regueifa Feminista para 26 de janeiro das 11h às 14h no local do CS Madia Leva.

LEMBRADE QUE É PRECISO INSCREVER-SE enviando um mail a: sementelugo@gmail.com

Obradoiro para pessoas adultas que queiram aprender a regueifar como recurso educativo para as aulas de primário e secundário mas também para qualquer pessoa que queira aprender a regueifar como ferramenta de protesto oral, público improvisado e coletivo. Alba Maria para além de nos ensinar algumha estrutura básica do rimo e melodia para regueifar a temática de toda a regueifa que se produza no obradoiro será feminista. As mulheres de Lugo vamos junto com Alba Maria fazer-nos ouvir!

 

Bem-vinda ao Apalpador em Lugo 22 de dezembro a partir das 17h na praça Maior

Publicado a por

A Semente Lugo junto com a Mesa pola normalización Linguística, CS Mádia Leva, A Volta do Agro, Cántigas e Frores, O Xeito, Troupelear, Tradescola, Lucecús Teatro, apresentam neste mês de dezembro, com a colaboraçom do Concelharia de Cultura de Lugo, a Deputaçom de Lugo, as Librarias Trama e Biblios e a Biblioteca Pública Municipal de Lugo, um projeto de animaçom e socializaçom da figura infantil do Apalpador, para fomentar a participaçom da cidadania na visibilizaçom do gigante do Courel.
Este projeto tem como objetivo dinamizar as semanas prévias à Bem-vinda do Apalpador com diferentes intervençons dirigidas a convocar a participaçom das famílias na Bem-vinda do Apalpador, na tarde de 22 de dezembro na Praça Maior a partir das 17h.

Estas intervençons som espaços dedicados ao Apalpador nas Librarias Trama e Biblos assi como na Biblioteca Pública Municipal de Lugo com recursos didácticos e produçom cultural editada acerca do Gigante Carvoeiro, durante todo o mês de dezembro.

Haverá muitas surpresas anunciando a saída do Apalpador do Courel e receberemo-lo à sua chegada a Lugo com obradoiros de música e dança tradicional.

O 22, a Bem-vinda ao Apalpador

A Bem-vinda do Apalpador supóm um intento de introduzir no ámbito urbano umha celebraçom própria da nossa cultura e oferecer assi umha alternativa a outras tradiçons de origem foránea que vam substituindo progressivamente os costumes galegos. Ao mesmo tempo, esta atividade supom umha oportunidade para as famílias da cidade se conhecerem, gozarem juntas e estabelecerem laços entre elas, e reforçar deste jeito o tecido social da comunidade.